Þjóðlagatónlist- og dansar | Barna- og fjölskyldustund
Bókasafn Kópavogs | Aðalsafn, Hamraborg 6a, 200 Kópavogur Kort
lau. 19.09.2026 11:30
Börn, foreldar, yngri og eldri systkyni, ömmur, afar og vinir eiga saman gæðastund í söng og leik. Sungin verða þekkt og minna þekkt lög úr íslenskri þjóðlagahefð. Stundinni er skipt í tvennt:
*11:30-12:00 fyrir 1-5 ára börn og fjölskyldur
*12:00-12:30 fyrir 6-11 ára börn og fjölskyldur
Umsjón hafa Bára Grímsdóttir og Chris Foster. Bára er eitt af fremstu tónskáldum Íslands og hefur um áratuga skeið unnið að varðveislu og miðlun íslenskrar þjóðlagaarfleifðar. Hún kemur úr fjölskyldu kvæðamanna, ólst upp við söng foreldra og afa og ömmu á bænum Grímstungu í Vatnsdal, og hefur um árabil verið formaður Kvæðamannafélagsins Iðunnar. Árið 2019 var hún sæmd riddarakrossi hinnar íslensku fálkaorðu fyrir framlag sitt til varðveislu og endurnýjunar á íslenskum tónlistararfi.
Chris Foster er breskur þjóðlagasöngvari og hljóðfæraleikari, meistari í sínu fagi, sem búsettur er á Íslandi og leikur á gítar og langspil. Þau Bára hafa um árabil komið fram saman sem dúettinn Funi og gefið út meðal annars plöturnar Funi (2004), Flúr (2013) og nú Gárur (2026).
VAKA þjóðlistahátíð fer fram dagana 13.– 19. september 2026 í Kópavogi. Á hátíðinni mætast tónlist, dans, handverk, sagnalist og kveðskapur í fjölbreyttri dagskrá fyrir forvitna gesti á öllum aldri. Hvort sem þú kemur til að hlusta, læra, dansa, syngja, skapa eða einfaldlega njóta samverunnar, þá gefst þér kostur á að kynnast fjölbreyttum alþýðulistum á nýjan hátt – og verða hluti af þeim. VAKA leggur áherslu á að gera sem flestum kleift að sækja viðburði hátíðarinnar. Því eru í boði þrír mismunandi verðflokkar á flesta viðburði og velur hver gestur það verð sem hentar best. Tryggið ykkur hátíðarpassa sem veitir ykkur aðgang að öllum viðburðum hátíðarinnar.
Allar upplýsingar um hátíðina má finna á www.vakareykjavik.is og á samfélagsmiðlum Vökufélagsins.
Flytjendur
-
Bára Grímsdóttir
Söngur, kantele og kveðskapur með börnum.
-
Chris FosterLeikið á Langspil
-
Vaka þjóðlistahátíðFagnar lifandi hefðum með fjölbreyttum viðburðum fyrir alla fjölskylduna.
-
Vaka - VökufélagiðVökufélagið stuðlar að virku samtali og samstarfi milli einstaklinga, félaga og stofnana á sviði þjóðlista á Íslandi, þ.e. tónlistar, handverks, kveðskapar, flutnings o.s.frv.