Píanóverk Chopin
Hannesarholt, Grundarstigur 10, 101 Reykjavík Kort
lau. 22.08.2026 16:00
Píanóverk 19. aldar tónsnillingsins Frederic Chopin hafa glatt hug og hjörtu tónlistarunnenda um allan heim og eiga sér sérstakan sess í verkefnaskrá píanóleikara. Á þessum tónleikum flytja fimm píanóleikarar úrval einleiksverka Chopin og má nefna Noktúrnur, Etýður, Scherzo, Ballöðu, Impromptu og Prelúdíur.
Listafólkið sem kemur fram í sal Hannesarholts á Menningarnótt eru Ásgerður Sara Hálfdanardóttir, Chadman Naimi, Matvii Levchenko, Vasyl Zaviriukha og Nína Margrét Grímsdóttir. Það er ánægjulegt að greina frá því að ungu píanóleikararnir eru nemendur Nínu Margrétar og hafa unnið til verðlauna og viðurkenninga innanlands og erlendis undanfarin ár.
Þessir Chopin tónleikar eru því einstakt tækifæri til að njóta fagurrar píanótónlistar í túlkun yngstu kynslóðar píanóleikara landsins og Nínu Margrétar, kennara þeirra til margra ára og eins reyndasta píanóleikara landsins.
Aðgangur er ókeypis og öllum heimill meðan húsrúm leyfir.
Flytjendur
-
Nína Margrét
Klassískur píanóleikari
-
Ásgerður Sara Hálfdanardóttir
Leikur á píanó
