Quarashi

RISAtónleikar Quarashi í Laugardalshöll. Hin goðsagnakennda tónleikasveit Quarashi fagnar 30 ára afmæli með tónleikum í Laugardalshöll laugardaginn 19. september 2026. Quarashi kom saman á síðasta ári á Lopapeysunni á Akranesi eftir 10 ára hlé og sýndi þar og sannaði að sveitin er enn kraftmesta tónleikasveit Íslandssögunnar. Á tónleikunum í Laugardalshöll hyggst sveitin flytja öll bestu og þekktustu lög sveitarinnar og öllu verður tjaldað til hvað hljóð og mynd varðar auk þess sem von er á ýmsum gestum sem komu við sögu á glæsilegum ferli sveitarinnar.