Húllað inn í hamingjuna

Þingvallastræti 8

Húllað inn í hamingjuna

Húllað inn í hamingjuna

Þingvallastræti 8, Þingvallastræti 8, 600 Akureyri Kort

fös. 03.07.2026 17:00

Húllað inn í hamingjuna

Uppistand þar sem húmor og húllahringur fléttast saman á skemmtilegan hátt

Eru miðaldra konur aðeins einni Temu-pöntun frá fullkominni hamingju? Getur húllahringur virkilega bjargað hjónabandinu? Vantar konur á breytingaskeiðinu kannski bara aðeins meira blóðflæði og persónulegt rými?

Fjölmiðlakonan Snæfríður Ingadóttir fer yfir málin á 15 mínútum í kómísku uppistandi sem segir meira um hamingjuna en öll sjálfshjálparnámskeið sem þú hefur farið á.

„Húllað inn í hamingjuna" er lifandi og frumlegur viðburður þar sem húllahringalist og húmor fléttast saman á skemmtilegan hátt. Viðburðurinn byggir á samspili líkamlegrar tjáningar og frásagnar, þar sem létt og gleðileg stemning ræður för, bæði í hreyfingu og munnlegri tjáningu.

Viðburðurinn er haldinn utandyra við Þingvallastræti 8 (beint á móti Andapollinum). Gestir klæði sig samkvæmt veðri. DJ Ragga heldur uppi góðri stemmingu og sér til þess að viðstaddir dilli sér inn í hamingjuna.

  • Ef þú ert kona á miðjum aldri og hélst að hamingjan væri flókið fyrirbæri þá er þetta uppistand fyrir þig!
  • Ef þú ert ung og vitlaus í leit að ást og ævintýrum, þá er gott fyrir þig að heyra hvað bíður þín í raun og veru í lífinu!
  • Ef þú ert eiginmaður sem átt konu á breytingarskeiðinu farðu þá beint á Temu og keyptu húllahring handa henni!

Viðburðurinn er styrktur af Listasumri 2026.
Viðburðadagatal Listasumars má finna á listasumar.is

Flytjendur