Lokatónleikar Orgelsumars í Hallgrímskirkju 2026

Lokatónleikar Orgelsumars í Hallgrímskirkju 2026 –Christian Barthen, orgel Bern Münster, Switzerland

Christian Barthen (f. 1984 í Saarbrücken) er organisti og tónlistarstjóri við Dómkirkjuna í Bern, prófessor í orgelleik við Tónlistarháskólann í Bern (HKB) og alþjóðlega starfandi konsertorganisti. Hann stundaði nám í orgelleik, píanóleik og semballeik, auk kirkjutónlistar og tónlistarkennslu, í Saarbrücken, París og Stuttgart. Hann hefur hlotið verðlaun í virtum orgel- og tónlistarkeppnum, þar á meðal Grand Prix de Chartres. Christian Barthen hefur komið fram sem einleikari víða um Evrópu, í Rússlandi, Suður-Ameríku og Austurlöndum fjær.

Hann hefur tekið þátt í útvarps-, sjónvarps- og geisladiskaupptökum fyrir Naxos Classics og Ifo/Organ, auk ýmissa stöðva innan ARD, SRF og Radio France. Hann hefur jafnframt starfað sem gestakennari við háskóla í Þýskalandi, Suður-Kóreu, Kólumbíu og Finnlandi.

Njóttu fleiri tónleika á Orgelsumri og fáðu 10% afslátt þegar þú kaupir miða á tvo eða fleiri tónleika í sömu pöntun.

HALLGRÍMSKIRKJA - ÞINN TÓNLEIKASTAÐUR