Jazz í Djúpinu // Kári Egils, Tumi Torfa & Nico
Djúpið, Hafnarstræti 15, 101 Reykjavík Kort
fim. 30.07.2026 20:30
ÍSLENSKA
Tumi Torfason trompetleikari, Kári Egilsson píanóleikari og Nico Moreaux bassaleikari koma fram saman í fyrsta sinn í Djúpinu. Spilað verður mikið af frumsömdu efni eftir félagana í nýjum og spennandi útgáfum ásamt nokkrum uppáhalds lögum úr jazzkanónunni. Mikil áhersla er lögð á gott samspil, hlustun og spilagleði.
Tumi Torfason er trompetleikari og tónskáld sem lifir og hrærist í íslensku tónlistarsenunni. Þar leiðir hann ýmis verkefni sem öll hverfast um frumsamda tónlist og spuna út frá henni.
Tumi nam jazzhljóðfæraleik við Tónlistarskóla FÍH og Konunglega tónlistarháskólann KMH í Stokkhólmi og er að ljúka meistaranámi í hljóðfæratónsmíðum við Listaháskóla Íslands.
Kári Egilsson hefur verið virkur í tónlistarlífinu sem flytjandi og tónskáld, jafnt í jazz- og poppheimum. Árið 2023 gaf hann út jazzplötuna Óróapúls og þessa dagana er hann að vinna í nýrri jazzplötu sem kemur út á næsta ári. Kári hefur líka gefið út tvær poppplötur. Árið 2024 var Kári valinn Bjartasta vonin á Íslensku tónlistarverðlaununum. Hann útskrifaðist úr Menntaskólanum í Tónlist árið 2021 og stundar nú nám við Berklee College of Music í Boston.
Nico Moreaux er franskur bassaleikari og tónskáld sem hefur búið og starfað á Íslandi síðustu árin. Hann hefur spilað með mörgum helstu tónlistarmönnum Íslands og þekktum erlendum jazzistum á borð við Chris Cheek, Tigran Hamasyan, Jorge Rossy og Jeff Ballard.
- -
Tónleikaröðin Jazz í Djúpinu fer fram á fimmtudagskvöldum kl. 20:30 sumarið 2026. Djúpið er kjallarinn á veitingastaðnum Hornið (Hafnarstræti 15, 101 Reykjavík). Inngangur í Djúpið er að aftan, til móts við Bæjarins beztu. Inngangurinn í kjallarann opnar kl. 20:00. Miðaverð er 4.000 ISK, miðar eru seldir við innganginn og í forsölu. Tónleikaröðin eru skipulögð af Jazzdeild FÍH og er styrkt af Menningarsjóði FÍH, Tónlistarsjóði og Reykjavíkurborg. Athugið að ekki er hjólastólaaðgengi á staðnum.
Flytjendur
-
Jazz í Djúpinu
Tónleikaröðin Jazz í Djúpinu fer fram á fimmtudagskvöldum kl. 20:30 í Djúpinu sem er kjallarinn á veitingastaðnum Hornið (Hafnarstræti 15, 101 Reykjavík). Inngangur í Djúpið er að aftan, til móts við Bæjarins beztu.
-
Iceland JazzInformation about the Icelandic Jazz and Improvised scene. News about album releases, concerts in Iceland, and concerts performed by Icelandic jazz musicians abroad // www.icelandjazz.is
-
Tumi Torfason
Trompetleikari
-
Nico Moreaux
Athugið! Kvöldpassi er í boði öll kvöld hátíðarinnar í Hörpu en hann veitir aðgang að öllum tónleikum viðkomandi kvölds. Ekki er selt inn á staka tónleika á kvölddagskrá í Hörpu. Nicolas Moreaux er franskur bassaleikari, búsettur á Íslandi. Á Jazzhátíð Reykjavíkur 2022 mun hann kynna nýja tónlist eftir hann sjálfan, útsetta af Phillipe Maniez, sem hefur meðal annars unnið með Kurt Rosenwinkel Big band og Dedication big band. Á tónleikunum kemur Nicolas fram ásamt nónett sínum, sem samanstendur af íslenskum tónlistarmönnum, sem Nicolas spilar reglulega með hérlendis og erlendis. Tónlistin flakkar á milli þess að vera þenkjandi og orkumikil og er að mestu innblásin af lífi Nicolas, andagift og náttúrunni. Nico Moreaux : kontrabassi Andrés Þór Gunnlaugsson : gítar Sigurður Flosason : altó saxófónn Óskar Guðjónsson : tenór saxófónn Jóel Pálsson : tenór saxófónn Eyþór Gunnarsson : píanó Snorri Sigurðarson : trompet Scott Mclemore : trommur Matthías Hemstock : slagverk
