Battleship Potemkin - Bíótekið!
Bíó Paradís, Hverfisgata 54, 101 Reykjavík Kort
sun. 01.11.2026 19:30
Beitiskipið Pótemkín, í leikstjórn Sergei Eisenstein, er eitt þekktasta og áhrifamesta verk kvikmyndasögunnar.
Myndin segir frá sögulegum atburðum, uppreisn sjóliða á rússneska herskipinu Pótemkín, árið 1905, þegar áhöfnin rís upp gegn harðræði, niðurlægingu og ómannúðlegum aðbúnaði um borð. Eisenstein beitir hér kraftmikilli klippingu og sterkri myndbyggingu til að magna upp spennu og tilfinningar.
Frægasta atriði myndarinnar, morðin á Odessa-tröppunum, hefur með tímanum orðið eitt mest tilvitnaða og endurskapaða atriði kvikmyndasögunnar. Þar eru hryllingur og ringulreið sýnd með hraðri klippingu, nærmyndum og sterkum andstæðum.
Kvikmyndin er í senn sögulegt byltingardrama, áhrifamikil áróðursmynd og tímamótaverk í þróun kvikmyndalistarinnar. Þótt myndin sé orðin hundrað ára gömul hefur hún engu tapað af sjónrænum krafti sínum og stendur enn fyrir sínu sem einstakt dæmi um mátt klippingar, myndmáls og kvikmyndalegrar frásagnar.
Sýnd í Bíótekinu 1. nóvember kl 19:30!
Flytjendur
-
BíótekiðKvikmyndasafn Íslands hefur stofnað Bíótekið og mun vera með reglulegar kvikmyndasýningar í samstarfi við Bíó Paradís. Nánari upplýsingar um dagskrá og viðburði er að finna hér undir ,,events" og á Kvikmyndasafn.is og bioparadis.is.
-
Kvikmyndasafn Íslands
Kvikmyndasafn Íslands safnar, varðveitir og miðlar íslenskum kvikmyndum.
