Ingebjørg Bratland m/band // Losen onsdag 22. juli

Vinje-bygdingen har alt ei merittliste dei fleste kan misunne.

Med låtar som «Jul i Svingen», «Ingen som du», «På avstand», «Fordi eg elskar deg» – og mange fleire – har ho bora seg inn i den norske folkesjela.

Bratland er mest kjend gjennom låtane og albuma sine, der ho tolkar eigne og andre sine songar på sitt heilt særeigne vis, og når eit stort publikum i alle aldrar.

Dei siste åra har Ingebjørg, saman med sin gode ven Odd Nordstoga, spelt konsertar for fulle salar over heile landet, og no er ho klar for å dra vidare på si eiga musikalske ferd.

2026 starta med førsteplass på Spotify med låta «Baby, du er rå!» saman med bandet Hagle. Ingebjørg er òg å sjå på TV 2 kvar fredag denne våren – som mentor i det populære musikkprogrammet The Voice.

Ein skal heller ikkje sjå bort frå at det dukkar opp ny og spanande musikk frå Ingebjørg Bratlands hand, i løpet av 2026.

I forbindelse med konserten tilbyr vi en konsertmeny for deg som ønsker å gjøre kvelden ekstra spesiell. Entrecote eller skalldyrskasse med utsøkte råvarer. Bespisning fra 18.00 og du beholder plassen hele forestillingen. Bestilling til losen@larkollen.no eller 69264500.