Krílastund í Grófinni

Eigum saman notalega stund með yngstu krílunum við leik, spjall og lestur. Krílastundirnar fara fram á mánudögum og fimmtudögum frá kl. 10:30 - 11:30, allt árið um kring en tökum sumarfrí frá byrjun júlí og fram í miðjan ágúst.
Klukkan 11 býður starfsmaður upp á söngstund þar sem við syngjum saman Krummi krunkar úti, Lagið um litina, Allir krakkar og fleiri skemmtileg leikskólalög.
Á krílastundum skapast gott tækifæri til að kynnast öðrum með lítil kríli, fá sér kaffi- eða tebolla, skiptast á grautauppskriftum og ræða um nýjustu fræðin í svefnrútínu barna.
Bókasafnið á mikið af forvitnilegum og fræðandi bókum og tímaritum sem tengjast uppeldi og umönnun ungbarna, sem hægt er að glugga í á safninu og korthafar geta tekið með sér heim.
Einnig gott úrval af krílabókum á ýmsum tungumálum til að kveikja áhuga barnanna á bókmenntum!
Hittumst í barnadeildinni á 2. hæð!
Nánari upplýsingar veitir:
Valgeir Gestsson, sérfræðingur í tónlistardeild
valgeir.gestsson@reykjavik.is