Leikur er töfrar er fjársjóðsleit

◼️ Leikur er töfrar er fjársjóðsleit | Ráðhildur Ólafsdóttir

◾️OPNUN: Fimmtudag 12.11.2026, 17:00-20:00

▪️OPNUNARTÍMAR: 16:30-18:00 virka daga, 14:00-16:00 um helgina

hafnar◾️space, hafnar.haus, Tryggvagöta 17, inngangur A, önnur hæð

▪️rýmið

Hafnar.space er listamannarekið sýningarrými í Hafnar.haus. Lesið nánar um rýmið á vefnum okkar www.hafnar.space og instagram @hafnar.space

▪️sýning

Þér er boðið inn í töfrandi veröld leiksins.

Veröld sem býður þér að setja sannleikann til hliðar og gefa þér ímynduninni á vald. Beinlínis krefur þig um það.

Í heimi leiksins er sannleikurinn ekki til,

hér ráða töfrarnir ríkjum.

Merkingin felst í ímynduninni.

Leikurinn er töfrar, töfrar eru fjársjóðsleit

og fjársjóðsleitin tekur aldrei enda.

Sýningin Leikur er töfrar er fjársjóðsleit varpar veröld leiksins fram í formi leikfanga, manngerðra og náttúrulegra. Gestum er boðið að leggja sannleika sinn til hliðar og gefa sig töfrum ímyndunarinnar á vald. Líkt og við gerðum öll sem börn þegar við endurröðuðum veruleika okkar og mynduðum nýja veröld. Á sýningunni er gestum boðið að taka sér leikföng í hönd, gefa sig leiknum á vald og stíga aftur inn í veröld töfra og fjársjóðaleitar.

▪️listamaður

Ráðhildur (f. 2000) stundaði nám í myndlist við Listaháskóla Íslands. Í verkum sínum vinnur hún þvert á miðla og sameinar textíl, skúlptúr, ljóðlist og fundinn efniviði. Hún sækir innblástur í það sem liggur milli hins raunverulega og ímyndaða. Verk hennar bera með sér vísanir í ævintýri, leikföng, hið yfirnáttúrulega og hugmyndaheim bernskunnar. Hún sækir efnivið í eigin bernskuminningar og reynslu sína af starfi í leikskóla.