PÓLSK KVIKMYNDAHÁTÍÐ Í FJARÐABYGGÐ

PÓLSK KVIKMYNDAHÁTÍÐ Í FJARÐABYGGÐ

HVENÆR: 16.–18. október

HVAR: Valhöll — Strandgata 49, Eskifirði

Sjötta pólska kvikmyndahátíðin í Fjarðabyggð sækir nýjustu verk pólskrar kvikmyndagerðar og dregur upp djúpt og sjálfsgagnrýnið portrett af samfélagi á hreyfingu og í umbreytingu. Með því að tefla listrænum tjáningaraðferðum nútímans fram í samtal við menningarleg táknkerfi hins nú fjarlæga níunda áratugar dregur hátíðin fram samfellu þjóðlegrar orðræðu í samfélagslega meðvitaðri kvikmyndagerð. Í ljósi þeirra víðtæku félagslegu og pólitísku umbreytinga sem einkenna samtíma okkar virðist þessi orðræða eiga brýnna erindi en nokkru sinni fyrr.

Kvikmyndavalið í ár tekst á við áleitin, oft umdeild en jafnframt afar viðeigandi viðfangsefni, einmitt vegna þess hve náið þau tengjast daglegri reynslu áhorfenda, jafnt þeirra sem samsama sig Póllandi sem þeirra sem halda öruggri fjarlægð frá landi Vislu og Oder. Um leið boðar kvikmyndavalið alþjóðavæðingu pólskrar sjálfsmyndar, þar sem hið pólska er skilið sem áunninn fremur en meðfæddur sjálfsmyndarflokkur, og ögrar þannig þeirri sífellt úreltari hugmynd að pólskt samfélag sé einsleit samfélagsleg þyrping. Það býður jaðarmenningum á mörkum ólíkra heima til fullrar þátttöku í þjóðlegu samtali — sömu samfélögum sem knýja fram samfélagslegar breytingar fyrir augum okkar í óslitnum takti víxlverkandi endaloka og upphafa.

Á þremur dögum verða sýndar tólf kvikmyndir sem veita fjölbreytta innsýn í pólska kvikmyndagerð ársins 2025, allt frá heimildamyndum og samfélagslega meðvituðum verkum til fjölskyldumynda, drama- og gamanmynda, auk sígildrar pólskrar ádeilu frá níunda áratugnum. Á dagskránni eru einnig sex stuttmyndir, þar á meðal teiknimynd. Í myndunum heyrast pólska, úkraínska og spænska, auk lítt þekktra pólskra mállýskna frá Búkóvínu, og verða allar myndir sýndar með enskum texta. Á dagskránni verða einnig vinnustofur undir leiðsögn starfandi fagfólks úr kvikmyndageiranum. Allan hátíðartímann verður hátíðarteymið aðgengilegt áhorfendum og breytir þannig hefðbundnu formi spurninga og svara í samfellda og óformlega umræðu um kvikmyndirnar. Ókeypis er á allar kvikmyndasýningar og aðra viðburði sem tengjast hátíðinni.

DAGSKRÁ

FÖSTUDAG, 16. október

17:00 – Double Trouble – leikstj. Emilia Śniegoska, 2025

18:45 – Life for Beginners – leikstj. Paweł Podolski, 2025

LAUGARDAG, 17. október

10:00 – Pixie. The New Beginning – leikstj. Krzysztof Komander, 2025

16:00 – Stuttmyndaröð:

- Neverlandex – leikstj. Agata Kapuścińska, 2025

- Dickflip – leikstj. Dominik Hadziewicz, 2025

- The Fern – leikstj. Adam „Łona” Zieliński, 2025

- Hello, Headquarters – leikstj. Zuzanna Heller, 2025

- Look Homeward – leikstj. Artem Rachkelyuk, 2025

- Dad’s Not Home – leikstj. Jan Saczek, 2025

18:45 – Kvikmyndasmiðja: “Chance and Coincidence in Film and Video Art” – Leidd af Sara Morawska & Weronika Jędrzejczak

20:00 – Where Do We Begin – leikstj. Monika Majorek, 2025

SUNNUDAG, 18. október

17:00 – Capo – leikstj. Robert Kwilman, 2025

19:00 – The Linnet – leikstj. Witold Leszczyński, 1982