Samhengi - Guðmundur Steinn Gunnarsson

Fyrirlestrarröðin Samhengi býður velkominn Guðmund Stein Gunnarsson föstudaginn 9. október með fyrirlesturinn „Hugleiðingar um vanamyndanir í tónlist“ þar sem Guðmundur Steinn mun fjalla um sínar tónsmíðaaðferðir og hugmyndir almennt. Míkrótóna, hljóð, þýðanleiki þeirra, þolmörk og þröskuldar verða meðal umfjöllunarefna, hvernig hávaði getur tekið á sig mynstur og orðið allt að því merkingarbær. Hvernig mynstur geta dansað á mörkum merkingarleysi og skiljanleika á sama tíma.Hreyfinótur og tjáskiptamynstur fyrir flæðandi hrynjandi verða jafnframt á dagskrá. Endurtekningin og undantekningin, vanamyndanir og skynjun á lögun þess loðna og óljósa, fegurð í grófum og hversdagslegum hlutum

Viðburðurinn er öllum opinn.