Ungfónía - Sinfóníuhljómsveit unga fólksins
classical
Um flytjanda
Sinfóníuhljómsveit unga fólksins, Ungfónía, var stofnuð haustið 2004 af Gunnsteini Ólafssyni hljómsveitarstjóra og nemendum við tónlistardeild LHÍ og úr Tónlistarskólanum í Reykjavík. Hljómsveitin er að jafnaði skipuð 40 – 50 nemendum úr Listaháskóla Íslands, tónlistarskólum af höfuðborgarsvæðinu og við tónlistarháskóla erlendis á aldrinum 13-25 ára. Einleikarar og einsöngvarar með hljómsveitinni eru oftast nemendur að ljúka framhaldsnámi erlendis eða eru nýkomnir heim frá námi.