Nýtt eldhús eftir máli

Þjóðleikhúsið | Kassinn

Nýtt eldhús eftir máli

Nýtt eldhús eftir máli

Þjóðleikhúsið | Kassinn, Hverfisgata 19, 101 Reykjavík Kort

sun. 27.09.2026 20:00

Miðar / Skráning
Miðar / Skráning

Draumaeldhúsið er dýru verði keypt
Stórskemmtilegt verk um hjónabandið, verkaskiptingu á heimilinu og karlmennsku á 21. öldinni

Daníel á sér draum um nýja eldhúsinnréttingu en þarf að yfirstíga margar hindranir til að hann rætist. Kona Daníels, Soffía, er honum ósammála um útfærslu framkvæmdarinnar, auk þess sem Daníel gleymir sér löngum stundum yfir kynórum um starfsfólk innréttingabúða. Og ekki bætir úr skák þegar búsáhöldin lifna við og leggja orð í belg. Það er reyndar ekkert að gömlu innréttingunni – hún er bara ljót. En það hangir mikið á spýtunni: hjónabandið, karlmennskan og tilveran öll. Nýtt eldhús eftir máli er gáskafullur og draumkenndur könnunarleiðangur um íslenskan hversdagsleika.

HÖNNUN OG HEIMILI – KARLMENN – BÚSÁHALDAHÚMOR 

Sýn Friðgeirs Einarssonar á hversdagsleikann er í senn næm, nöpur og fyndin. Hann hefur komið víða við í íslensku leikhúslífi síðustu ár, sem leikskáld, leikari og einn af meðlimum leikhópsins Kriðpleirs. Hann hefur sannað sig sem einn fremsti sviðslistamaður sinnar kynslóðar með sýningum á borð við Club Romantica, þótt aðferðirnar séu ekki alltaf eins og leikhúsgestir eiga að venjast, enda mörkin milli raunveruleika og skáldskapar ekki alltaf skýr.

„Mig dreymdi í nótt að við hefðum fengið tilboð í nýja innréttingu.“ 

Nýtt eldhús eftir máli er fyrsta leikritið sem Friðgeir skrifar fyrir leikhóp Þjóðleikhússins. Það var flutt á leikritahátíð Þjóðleikhússins Gula dreglinum á liðnu vori. Björn Thors leikstýrði Grímusýningu ársins í fyrra, Saknaðarilmi.

Leikarar: Hilmar Guðjónsson, Ilmur Kristjánsdóttir og fleiri.

eftir Friðgeir Einarsson

Leikstjórn: Björn Thors
Leikmynd og búningar: Filippía I. Elísdóttir
Sviðshreyfingar: Margrét Bjarnadóttir

Flytjendur

  • Þjóðleikhúsið
  • Friðgeir Einarsson
    Friðgeir Einarsson
    Rithöfundurinn Friðgeir Einarsson velur verk úr Artóteki Borgarbókasafnsins, skrifar um þau texta og er hvorutveggja sett upp á sýningu. Sýningin opnar fimmtudaginn 31. mars og stendur til 30. apríl. SamSuða er yfirskrift sýningarraðar í Borgarbókasafninu Kringlunni. SamSuða er stefnumót skapandi einstaklinga þar sem skáld, velja verk úr Artóteki Borgarbókasafns og skrifa um þau stuttan texta. Verkin geta verið eftir einn og sama listamanninn eða blanda af verkum eftir ýmsa. Úr þessu verður hálfgerð SamSuða sem sett er upp á sýningu. Í Artótekinu er til leigu og sölu myndlist eftir íslenska listamenn, sem allir eru félagsmenn í Sambandi íslenskra myndlistamanna. Markmiðið með Artótekinu er að kynna notendum Borgarbókasafns og öðrum íslenska samtímalist og gefa þeim kost á að leigja eða eignast listaverk á einfaldan hátt. Nánari upplýsingar veita: Guðríður Sigurbjörnsdóttir, deildarstjóri gudridur.sigurbjornsdottir@reykjavik.is s. 691 2946 Friðgeir Einarsson freinarsson@gmail.com s. 690 8609
  • Björn Thors

    Leikstjóri

  • Filippía I. Elísdóttir

    Búningahönnuður

  • Margrét Bjarnadóttir

    Sviðshreyfingahönnuður